BCL Treffe

Nog effe en dan sjteit ‘t 5e seizoen alweer veur de deur te trappele. En dan zègke veer: “Doot aope, doot aope!”
Vanaaf de 11e van de 11e geit ’t sjpeel weer loos. Ein seizoen vol sjpas en plezeer.

CV De Berggeite is dit jaor de eer te beurt gevalle, om veur de tweede keer, ’t grote BCL-treffe te moge organizere.
Waat waas ’t in 1999 toch ein geweldige heppening. Dao hadse gaer bie wille zeen.
En daorom …… Doon v’r ’t geweun nog ‘ne keer!

Op dit grootste feesje van ’t jaor, wo veer es Vastelaovesvierders allemaol bie-einkómme, wille veer duchtig los gaon en allein maar fees viere!
Det is wo de Vastelaovend om dreijt, det is waat veer uch aan gaon beje; Ein super gezellig BCL-treffe 2017.

’T programma zal d’r dit jaor ein bietje angers es angers oet gaon zeen.
Det wilt zègke det veer geine optoch meer gaon loupe, maar det geer vanaaf minuut 1 bie binnekoms in ózze feestempel de ganze daag verwint gaont waere en in de watte zólt waere gelag.

CV de Berggeite presentere: ’t BCL-treffe 2.0!

Eine middig wo veer de eine nao de angere arties veur uch op de grote BCL-bühn presentere. Gein pauzes maar toezjoer ein FEES!

Nemes minder es Promilaasj, Spik en Span, Marleen Rutten, De Toddezèk, Domm en Dööl, De Shakin DJ’s, Coen Janssen en DJ Dirndl zólle de zaak op sjtelte gaon zitte.

En es aafsjloeter van de daag, es keers oppe taart, es de sjoem op ’t beer, höbbe veer rondj de klok van 18:30 oer, ein optraeje van nemes minder es De Janse Bagge Bend veur uch geregeld. Wie gaaf is det! Besjtèl de bus nao hoes dus maar neet te vreug 😉

Det wilse toch neet misse? Det wilse toch allemaol neet langs dien naas laote gaon? Dao wilse toch bie zeen gewaes?!

 

Gaef uch daorom sjnel op!

INSJRIEFFORMULIER