Vriedig 24 november · Dé Nach

Dé Nach waerd gegarandeerd ´t Fees van ´t jaor. Lekker op sjtap mit dien vrunj en viere es of d’r geine morge kump …. alle remme los!

De Nachsjiech van dien laeve, zulle veer maar zegke…

Om ´t feesgehalte nog get op te pompe zeen d’r speciale gaste oetgeneudigd die neet vies zeen van ein feesje. De eerste van die gaste is MENTAL THEO! Volges de echte fans “the craziest DJ in the world”. In de jaore ´90 maakt hae de eine succesvolle (happy) hardcore plaat same mit Charly Lownoise en sindsdien is ´t ein fenomeen op zich: DJ, Veejay en ouch nog ein eige raceteam!

Ouch de JANSE BAGGE BEND zal ein optraeje verzorge tiedes Dé Nach. “Sollicitere”, “Proemevlaai” en “De Mek” zulle gegarandeerd veurbiej komme.

De volgende groep dae acte de presence gaeft zeen de DAREDEVILS. Daredevils knalt dwars door de geluidsbarrière en leut daobiej ein sjpaor van confetti, laeg baekers en ein heerlijk geveul achter! Bereid uch maar veur op eine muzikale blikseminsjlaag van astronomische proporties!!!!

Ozze hoes-DJ tiedes Dé Nach zal DJACKY zeen. In de oktobertied geit DJacky ouch waal door ut laeve es DJ Dirndl – de vaste DJ van ´t Sittardse Oktoberfest mit 200.000 bezeukers! DJacky kint es geine angere insjpele op ´t publiek en det maakt um dus 200% gesjikt veur “Dé Nach”!

Geer sjnap dus wat veer bedoele mit “De Nachsjiech van dien laeve”?! Kaarte zeen online te besjtelle via www.denach.nl en kinne ouch gekoch waere biej de PLUS in Berg. Ze koste maar € 11,00 dus daoveur hoofse ´t neet te laote. Plaats Delict waerd MFC de Roerparel aan de Sjaopswaeg in Berg.